ChatGPT ولا Claude؟ جرّبت الاثنين 3 شهور على نفس الشغل

صراحة، أكثر سؤال يجيني: "ChatGPT ولا Claude؟". بدل ما أجاوب من الذاكرة، جرّبت الاثنين 3 شهور كاملة على نفس الشغل اليومي: كتابة، قراءة ملفات بحثية، جداول، وأكواد بسيطة. هذا اللي طلع معي، بدون مجاملة.

1. الكتابة بالعربي

Claude أفضل بفرق واضح. النص يطلع طبيعي، كأن واحد عربي كتبه. ChatGPT غالبًا يطلع "مترجم": تراكيب إنجليزية بكلمات عربية. لو شغلك كتابة محتوى أو إيميلات أو تقارير بالعربي، هذي النقطة وحدها تحسم.

2. الأرقام والجداول والأكواد

ChatGPT أسرع وأسهل، خصوصًا مع الأدوات المدمجة (تحليل البيانات، تشغيل الكود، الصور). Claude جيد، لكن ChatGPT يعطيك النتيجة بخطوات أقل.

3. الملفات الطويلة

هذي النقطة اللي حسمتها لي. ارفع ملف 200 صفحة لـ Claude واسأله سؤال محدد: يرد عليك من داخل الملف بدون ما يخترع. ChatGPT يميل للاختصار، وأحيانًا يكمّل من عنده. وبما إن موضوع بحثي هو الهلوسة، هذا الفرق ألاحظه كل يوم.

4. السعر

الاثنين تقريبًا نفس السعر (حوالي 20 دولار شهريًا). والأهم: المجاني في الاثنين يكفي 80% من الناس. لا تشترك قبل ما تجرّب المجاني أسبوعين.

خلاصتي

• كتابة بالعربي وقراءة ملفات ← Claude
• أرقام وصور وأدوات ← ChatGPT
• والأذكى؟ يستخدم الاثنين، كل واحد في اللي يتقنه.

أنت وش تستخدم؟ وليش؟ قلّي على X.

إذا فادك هذا الشرح: الملفات والفيديوهات تنزل أول في قناة تيليجرام، والخلاصة الأسبوعية في النشرة.